Go Back
–+ ޖޯޑު

ލޮނުމިރުސް

ލޮނުމިރުހަކީ އާނމު ގޮތެއްގައި ގަރުދިޔަ އާއި ބަތާއިކާއިރު ރަހަ ހެޔޮވަރު ކޮށްލުމަށްޓަކައި ބޭނުންކުރާ ކެއުމެކެވެ. ގަރުދިޔައިގެއިތުރުން ރިހާކުރު އަދި އެކި ބާވަތްތަކުގެ ރިހަޔާއި އެކީ ކެއުމަށް  ލޮނުމިރުހަކީ ވަރަށް ގިނަ މީހުންނަށް ކަމުދާ އެއްޗެކެވެ.
ލޮނުމިރުހަކީ ތައްޔާރުކުރުމަށްފަހު ވަރަށް ގިނަދުވަސް ވަންދެން ރައްކާކޮށްފައި ބެހެއްޓޭނެ ކެއުމެކެވެ. މިއީ ދިވެހިންގެ އައިސްއަލަމާރީގައި ކޮންމެހެންވެސް ހުންނަން ޖެހޭ އެއްޗެކެވެ.
ތައްޔާރު ކުރުމަށް: 15 މިނެޓް
ކެއްކުމަށް: 5 މިނެޓް
ޖުމްލަ ވަގުތު: 20 މިނެޓް
ތައްޔާރު ކުރެވޭނީ:
1 ޖޯޑު

ބޭނުންވާ ތަކެތި

  • ½ ޖޯޑު ފިޔާ ( ހިމުންކޮށް ކޮށާފައި)
  • 1 ގިތެޔޮ މިރުސް
  • 2 ލޮނުމެދު
  • ½ ޖޯޑު ކާށި (ކޮށާފައި)
  • ½ ޖޯޑު ހިކަނދި ފަތް
  • ½ ސައިސަމުސާ ދިރި
  • ½ ސައިސަމުސާ އަސޭ މިރުސް
  • ½ ޖޯޑު ހިކި މިރުސް
  • ¼ ޖޯޑު ހުތް އަނބު (ކޮށާފައި)
  • ½ ސައިސަމުސާ ލޮނު
  • 2 މޭޒުމަތީ ސަމުސާ ފެން

ހަދާނެގޮތް

  • ތަވައެއްގައި ކާށި، އަސޭމިރުސް، ހިކި މިރުސް މަޑު ގިނީގައި  ކާށި ކޮޅު ރަތް ވަންދެން ހަނާކުރާށެވެ.
  • ހަނާ ކުރި ތަކެތި މިކްސްޗަރަކަށް އެޅުމަށްފަހު ފުނޑާލާށެވެ. ފުނޑަންވާނީތަންކޮޅެއް ރާޅުކޮށެވެ.
  • ބާކީ ހުރި ތަކެތި މިކްސްޗަރަށް އެޅުމަށްފަހު 3-2 މިނެޓު ވަންދެން ފުނޑާށެވެ.ފުނޑަމުންދާއިރު، ރަނގަޅަށް ފުނޑޭތޯ ބަލއި، އިތުރަށް ފެން އަޅަން ޖެހޭނަމަ ފެންއަޅަމުންގެންދާށެވެ.

ނޯޓް

ރަނގަޅަށް ހިމުންކޮށް ފުނޑުމަށްފަހު މަތި ބަންދުކު ރެވޭތައްޓަކަށްލުމަށްފަހު އައިސް އަލަމާރީގައި ރައްކާކުރާށެވެ. އޭރުން ހަލާކުނުވެ ގިނަ ދުވަސް ވަންދެން ހުންނާނެއެވެ.
ޕްރިންޓް ޕިން
ސައިޑް ޑިސް
ދިވެހި ކެއުން