Go Back
–+ މީހުންނަށް

ބިސް ކީމިޔާ

ބިސް ކީމިޔާއަކީ ވަރަށްގިނަ ދިވެހިންނަށް ކަމުދާ ހެދިކާއެކެވެ. ޚާއްޞަގޮތެއްގައި ހަވީރުސައިގަޑިއަށާއި، ރޯދަމަހު ރޯދަވީއްލުމަ ށް ބިސް ކީމިޔާއަކީ މުހިންމު ހެދިކާއެކެވެ.
ބިސް ކީމިޔާގެ ދެވައްތަރެއް ހުރެއެވެ، އެއީ މަސްއަޅައިން ހަދާފައި ހުންނަބިސްކީމިޔާއާއި ތަރުކާރީ އެކަނި އަޅައިން ހަދާފާ ހުންނަ ބިސް ކީމިޔާއެވެ.
ތައްޔާރު ކުރުމަށް: 35 މިނެޓް
ކެއްކުމަށް: 20 މިނެޓް
ޖުމްލަ ވަގުތު: 55 މިނެޓް
ތައްޔާރު ކުރެވޭނީ:
6 މީހުންނަށް

ބޭނުންވާ ތަކެތި

މަސްގަނޑު ތައްޔާރުކުރުމަށް:

  • 1 ޖޯޑު ވަޅޯމަސް  (ކުދިކޮށް ކޮށާފަ) މަސްދަޅުވެސް  ބޭނުން ކުރެވިދާނެ
  • ¼ ޖޯޑު ހިކަނދިފަތް ކުދިކޮށްކޮށާފަ
  • 1 ޖޯޑު ފިޔާ  (ކުދިކޮށްކޮށާފަ)
  • 1 ޖޯޑު ކެބެޖް  (ކުދިކޮށްކޮށާފައި)
  • 1 މޭޒުމަތީ ސަމްސާ މުގުރި އަސޭމިރުސް
  • ½ ސައިސަމްސާ ގިތެޔޮ މިރުސް  (ކުދިކޮށްކޮށާފަ)
  • 5 ބިސް (ފެނުކެއްކުމަށްފަހުކުދިކޮށްކޮށާފައި)
  • ރަހަލާވަރަށް  ލޮނުކޮޅެއް

ފުއްގަނޑު ތައްޔާރުކުރުމަށް:

  • 3 ޖޯޑު ގޮދަންފުށް
  • ⅓ ޖޯޑު ކައްކާތެޔޮ
  • 1 ސައިސަމްސާ ލޮނު
  • ހޫނުފެން
  • ކައްކާތެޔޮ
  • ފުށްތެރަސް - (ހަދާނީ ފެނާއި ފުށްއެއްކޮށްގެން)

ހަދާނެގޮތް

މަސްގަނޑު ތައްޔާރުކުރާނެގޮތް:

  • ތަވަޔެތް އުދާ  ކުޑަ ތެޔޮކޮޅެއް އެޅުމަށްފަހު އޭގެތެރެއަށް ކޮށާފައިވާފިޔާކޮޅާއި، ހިކަނދިފަތް އަދި މުގުރި އަސޭމިރުސް، ލޮނު، އެޅުމަށްފަހު ފިޔާކޮޅު މޯޅިކޮށްލާށެވެ.
  • މޯޅިކޮށްފައިވާ ފިޔާކޮޅުގެތެރެއަށް ކޮށާފައިވާ ކެބެޖްކޮޅު އެޅުމަށްފަހު، ކެބެޖުކޮޅު މަޑުވަންދެން ހަލުވާލާށެވެ.
  • އޭގެތެރެއަށް ކޮށާފަހުރި މަސްކޮޅާއި، ބިސް އަދި ގިތެޔޮމިރުސްއެޅެމަށްފަހު ގާތްގަނޑަކަށް 2 މިނެޓެއްހާއިރު މަޑުގިނީގައި ކައްކާލާށެވެ. ކެކުނީމަ މަސްގަނޑުހިހޫވަންދެން ބަހައްޓާލާށެވެ.

ފުށްގަނޑު ތައްޔާރުކުރާނެގޮތް:

  • ފުށްގަނޑު ތައްޔާރުކުރުމަށް ބޭނުންވާ ތަކެތި  އެއްކޮއްލުމަށްފަހު މޮޑެލާށެވެ. ( މޮޑޭއިރު މަދުމަދުން ފެންއަޅަނުމުން މޮޑެލާށެވެ.)
    މޮޑުނު ފުށްގަނޑުހުންނަންވާނީހިކިކޮށް އާދައިގެވަރަކަށް މަޑުކޮށެވެ.
  • އެއަށްފަހު ފުށްގަނޑު ކުދިފުށްގުޅައަށް ބައިކޮށްލާށެވެ.

ބިސްކީމިޔާ ތައްޔާރުކުރާނެގޮތް:

  • ފުށްގުޅަތަށް ވަށްކޮށްއެހާ ބޯނޫންކޮށް، ފުޅާމިނުގައި ގާތްގަނޑަކަށް 4 އިންޗި ހުންނަވަރަށް ދަމާލާށެވެ.
  • ދަމާފައިވާ ފުށްގަނޑުތެރެއަށް މަސްގަނޑުން ގާތްގަނޑަކަށް ސައިސަމްސަލުގެ2 ސަމްސާ މަސް ފުށްގަނޑުގެ މެދަށްލުމަށްފަހު، ދެފަރާތުން މެދަށްވާގޮތަށް މަސްގަނޑުގެމަތިން ފަށްކޮށްލާށެވެ، އަދި ބާކީ އިން ދެފަރާތްވެސް ހަތަރެސްކަން ބައްޓަމަށްވާހެންމަސްގަނޑުގެ މަތިން ފަށްޖަހާލާށެވެ.
  • ތެލުލާއިރު، ކީމިޔާގެ ފުށްގަނޑުރޫޅުނަ ނުދިނުމަށްޓަކައި، ފަށްޖަހާފައިވާ ފަށްތަކުގެ މަތީގައި  ފުށްތެރަސްކޮޅެށް އިނގިލީގެކުރިން ހާކާލާށެވެ.
  • ތައްޔާރުކޮށްފައިވާ ހަތަރެސްކަން ބައްޓަމުގެ ބިސް ކީމިޔާ ތެލުލާށެވެ.
ޕްރިންޓް ޕިން
ހެދިކާ
ދިވެހި ކެއުން