Hedhikaa Logo

ސާގު ކަނދި

ސާގު ކަނދި

 

ސާގު ކަނދި

ސާގު ކަންޖަކީ އެވޭލާ ޒަމާނުއްސުރެން ދިވެހީންގެ މެދުގައި މަގުބޫލު ބުއިމެކެވެ. ޒަމާނަށް އައި ބަދަލާ ގުޅިގެން ސާގު ކަނދިވެސް ޒަމާނީވެ، ތަފާތު ގޮތްގޮތަށް ތައްޔާރު ކުރެއެވެ. ސާގުން ތައްޔާރު ކުރާ މި މީރު ބުއިމަކީ ހުރިހާ އިރެއްގެ ނާސްތާގައި ވެސް އިންސާފުކޮށްލަން ރަނގަޅު ބުއިމެކެވެ.  
ތައްޔާރު ކުރުމަށް: 10 މިނެޓް
ކެއްކުމަށް: 30 މިނެޓް
ޖުމްލަ ވަގުތު: 40 މިނެޓް
ތައްޔާރު ކުރެވޭނީ:
3 މީހުންނަށް

ބޭނުންވާ ތަކެތި

  • 1 ޖޯޑު ސާގު
  • 2 ޖޯޑު ހަކުރު
  • 2 ޖޯޑު ކާށި ކިރު
  • 12 ޖޯޑު ފެން
  • 5 ކާފޫރުތޮޅި
  • 1 ޖޯޑު ހުވަނދުމާ ފެން (ނޫނީ 5 މޭޒުމަތީ ސަމުސާ ފިނި ފެން)
  • 1½ އިންޗި ރާނބާފަތް

ހަދާނެގޮތް

  • ބޮޑު ތެއްޔަކަށް 6 ޖޯޑު ފެން އެޅުމަށްފަހު ކައްކާށެވެ.
  • ދޭފަތުން ހަލަމުން ސާގުކޮޅު ތެއްޔަށް އަޅާށެވެ.
  • ކެކުމުން އުދުން މަތިން ބާލާށެވެ. (ރަނގަޅަށް ކެކުމުން ހުދު ކުލައިގެ ސާގުތައް ހުންނާނީ އެތެރެ ފެންނަން)
  • ސާގުކޮޅު ފުރާނާލާށެވެ އަދި ފެންފޮދެއްއަޅާ ސާގުކޮޅު ދޮވެލާށެވެ.
  • ސާގުކޮޅު އަލުން ތެއްޔަށް އަޅައި، ބާކީ ހުރި 6 ޖޯޑު ފެނާއި، ކާފޫރުތޮޅި އާއި، ރާނބާ ފަތާއި އަދި ހަކުރުކޮޅު އޭގެތެރެއަށް އަޅައި، މެދު ގިނީގައި ބަހައްޓައިގެން ދޭފަތުން ހަލަމުން ކައްކާށެވެ.
  • ބޮކިޖަހާ ކެކެން ފެށުމުން، ހުވަނދުމާ ފެނާއި، ކާށި ކިރު އަޅާ ރަނގަޅަށް އެއްކޮށްލާށެވެ.
  • އެއަށްފަހު 8 – 10 މިނެޓު ވަންދެން ބެހެއްޓުމަށްފަހު، އުނދުން މަތިން ބާލާށެވެ.
saagu kandhi
ޕްރިންޓް ޕިން
ފޮނިކާނާ
ދިވެހި ކެއުން
އިސްތިހާރު
Bubble Tea by Karak

ކޮމެންޓް ކުރުމަށް

ރޭޓިންގް އެއް ދެއްވާ:






ކޮމެންޓުކުރުމުގެ ގައިޑްލައިންއަށް އެއްބަސްވަމެވެ. #