ބިސް ރިހަ
ރިހަޔަކީ މެންދުރާއި، ރޭގަނޑުގެ ނާސްތާގައިދިވެހީންގެ މެދުގައި މަގުބޫލު ކާނާއެކެވެ. މިގޮތުން ތަފާތު އެތައް ވައްތަރެއްގެރިހަ ތައްޔާރުކުރާއިރު، ބިސް ރިހަޔަކީ ފާހަގަކޮށްލެވޭ ރިހަޔެކެވެ.
ތައްޔާރު ކުރުމަށް: 10 މިނެޓް މިނެޓް
ކެއްކުމަށް: 20 މިނެޓް މިނެޓް
ޖުމްލަ ވަގުތު: 30 މިނެޓް މިނެޓް
ތައްޔާރު ކުރެވޭނީ:
4 މީހުންނަށް
ބޭނުންވާ ތަކެތި
- 4 ބިސް
- ⅓ ޖޯޑު ފިޔާ (ތުނިކޮށް ކޮށާފައި)
- 1½ ސައިސަމުސާ ލޮނުމެދު (ތުނިކޮށް ކޮށާފައި)
- 2 މިރުސް (ދިގުކޮށް ދެފަޅިކޮށްފައި)
- 1 ސައިސަމުސާ މުގުރި މިރުސް
- ½ ސައިސަމުސާ ދިރި (މުގުރާފައި)
- ¼ ސައިސަމުސާ ރީނދޫ
- ¼ ސައިސަމުސާ ދިރި (މުގުރާފައި)
- 1 އިންޗި ފޮނިތޮށި
- 1 އިންޗި ރާނބާފަތް
- 1 މޭޒުމަތީ ސަމުސާ ހިކި މަސް (މުގުރާފައި)
- 1 ޖޯޑު ކާށި ކިރު
- 2 މޭޒުމަތީ ސަމުސާ ކައްކާތެޔޮ
- 5 ހިކަނދިފަތް
- ލޮނު (ރަހަލާވަރަށް)
ހަދާނެގޮތް
- 8 މިނެޓު ވަންދެން ބިސްތައް ފެނުކައްކާލާށެވެ. ބިހުގެ ތޮށިތައް ނޮޅާލުމަށްފަހު، އިލޮށިކޮޅެއް ބޭނުންކޮށްގެން ބިހުގައި ލޯވަޅުތަކެއް އަޅާށެވެ.
- ތެއްޔަކަށް ތެޔޮ ފޮދެއް އަޅައި ހޫނުކޮށްލުމަށްފަހު، ރަންކުލަ އަރަންދެން ބިސްތައް ތެލުލާށެވެ. އެއަށްފަހު، ބިސްތައް ނަގައި، ޓިޝޫއެއް ބޭނުންކޮށްގެން ތެޔޮތައް ހިއްކާލާފައި އެއްކައިރީގައި ބަހައްޓާށެވެ. (ބޭނުންވެއްޖެ ނަމަ، މިބައި ދޫކޮށްލެވިދާނެއެވެ.)
- · ތެއްޔަކަށް 1 ސައިސަމުސާ ތެޔޮ އަޅައި ހޫނުކޮށްލުމަށްފަހު، ފިޔާ، ލޮނުމެދު، ހިކަނދިފަތް އަދި ރާނބާފަތް އަޅައި މަޑު މުށިކުލައެއް އަރަންދެން ހަނާކޮށްލާށެވެ.
- ކާށި ކިރު ފިޔަވައި، ބާކީ ހުރި ތަކެތި އަޅައި، 5 މިނެޓު ވަންދެން ކައްކާލާށެވެ. އެއަށްފަހު، ކާށި ކިރުކޮޅާއި ލޮނު އަޅާލާށެވެ.
- އޭތެގެރެއަށް ބިސްކޮޅު އަޅައި 5 މިނެޓު ވަންދެން ކައްކާލާށެވެ.
