ބަޖިޔާ
ބަޖިޔަލަކީ ހަވީރު ސަޔަށް ދިވެހީންގެ ސުފުރާމަތިފަޅުފިލުވައިދޭ އެންމެ މަގުބޫލު އެއް ބައިވެރިޔާއެވެ. ބަޖިޔަލަކީ އަގަޔަށް މީރުހެދިކާއެއް ނަމަވެސް، ތައްޔާރުކޮށްލަން ގިނަ ވަގުތު ހޭދަވާ އެއްޗެކެވެ. ކަންމިހެންއޮތަސް، ބަޖިޔަލަކީ ހަވީރު ސަޔަށް ދިވެހިންގެ އެއްވަނަ ޗޮއިސްކަން ފާހަގަކޮށްލެވެއެވެ.
ތައްޔާރު ކުރުމަށް: 45 މިނެޓް މިނެޓް
ކެއްކުމަށް: 15 މިނެޓް މިނެޓް
ޖުމްލަ ވަގުތު: 1 ގަޑި ގަޑި
ތައްޔާރު ކުރެވޭނީ:
10 މީހުންނަށް
ބޭނުންވާ ތަކެތި
މަސްގަނޑު ތައްޔާރުކުރުމަށް:
- 3 ޖޯޑު ވަޅޯމަސް - ކޮށާފައި (3 މަސްދަޅު ބޭނުން ކުރެވިދާނެ)
- 3½ ޖޯޑު ވަޅޯމަސް - ކޮށާފައި (3 މަސްދަޅު ބޭނުން ކުރެވިދާނެ)
- ½ ޖޯޑު ލުނބޯ ހުތް
- ⅓ ޖޯޑު ޖޯޑު ހިކަނދިފަތް (ކުދިކޮށް ކޮށާފައި)
- 2½ މޭޒުމަތީ ސަމުސާ އިނގުރު (ގާނާފައި)
- 1 މޭޒުމަތީ ސަމުސާ ހަވާދު
- 1 ސައިސަމުސާ މުގުރި މިރުސް
- ½ ސައިސަމުސާ ރީނދޫ
- 2 ސައިސަމުސާ ހަކުރު
- 1 ގިތޮޔޮ މިރުސް (ކޮށާފައި)
- ލޮނު (ރަހަލާވަރަށް)
ފުށްގަނޑު ތައްޔާރުކުރުމަށް:
- 2 ޖޯޑު ގޮދަންފުށް
- ½ ޖޯޑު ކައްކާތެޔޮ
- 1½ ސައިސަމުސާ ލޮނު
- ހޫނު ފެން
- ފުށްތެރަސް - (ހަދާނީ ފެންފޮދަކަށް ފުށްއެއްކޮށްގެން)
ތެލުލުމަށް:
- ކައްކާތެޔޮ ތެޔޮ
ހަދާނެގޮތް
މަސްގަނޑު ތައްޔާރުކުރުން:
- ކޮށާފައި ހުރި ފިޔާކޮޅުގެ އެއްބަޔާއި،ހިކަނދިފަތްކޮޅުގެ އެއްބަޔާއި، އިނގުރާއި، މިރުހާއި، ލުނބޯ ހުތް އަދި ލޮނުތައްޓަކަށް އެޅުމަށްފަހު، ރަނގަޅަށް މޮޑެލާށެވެ.
- އެއަށްފަހު، ވަޅޯމަސްކޮޅު އޭގެތެރެއަށް އަޅައި އެއްކޮށްލާށެވެ.
- ބާކީ ހުރި ފިޔާކޮޅާއި، ހިކަނދިފަތްކޮޅުކުޑަކޮށް ވަޅޯވަންދެންތެލުލާށެވެ.
- ދެން އޭގެތެރެއަށް ކުރިން ތައްޔާރުކުރި މަސްގަނޑާއި، ހަކުރުކޮޅު އަޅައި 5 ވަރަކަށް މިނެޓު މަޑު ގިނީގައި ކައްކާލާށެވެ.
ފުށްގަނޑު ތައްޔާރުކުރުން:
- ފުށްގަނޑު ތައްޔާރުކުރުމަށް ބޭނުންވާ ތަކެތި ތައްޓަކަށް އެޅުމަށްފަހު ހޫނުފެންފޮދެއްއަޅައި ރަނގަޅަށް މޮޑެލާށެވެ. ފުށްގަނޑު ދިޔާނުވާވަރު ބަލަމުން މަދުމަދުން ފެންއަޅަމުން މޮޑޭށެވެ. ފުށްގަނޑުތައްޔާރުވުމުން ހުންނާނީ އޮމާންކޮށެވެ.
- ފުށްގަނޑު ބައިބައި ކޮށްލާފަ ފުށްގުޅަ ޖަހާލާށެވެ. (ފުށްގުޅަ ހުންނަންވާނީ އާދިއިގެ ކުކުޅުބިހެއްގެ ސައިޒަށެވެ.)
- އެއަށްފަހު، ރޮށި ފިހަން ފުށްގަނޑު ދަމާގޮތަށް ފުޅާމިނުގައި 7 އިންޗި ހުންނަވަރަށްކޮންމެ ގުޅައެއް ވަށްބުރެއްގެ ބައްޓަމަށް ދަމާށެވެ..
- ވަށްބުރެއްގެ ބައްޓަމަށް ދެމުމަށްފަހު، ކޮންމެ އެއްޗެއް 4 ބަޔަށްވާ ގޮތަށް އެއްވަރަށް ކަފާލާށެވެ.
- ކޮންމެ ބައެއްގެ މެދަށް ކުރިން ތައްޔާރުކުރި މަސްގަނޑުން 2 ސައި ސަމުސާ އަޅާށެވެ. އެއަށްފަހު، ތިނެސްކަން ވާގޮތަށް ކޮންމެ ކަނަކުން ފަތްޖަހާލާށެވެ
- ފުށްތެރަސް ބޭނުންކޮށްގެން ފަތްޖެހިތަން ބައްދާލާށެވެ. (އޭރުން ބަޖިޔާ ތެލުލާއިރު ނުހުޅުވޭނެއެވެ.)
ތެލުލުން:
- ތެޔޮފޮދެއް ތާހަކަށް އެޅުމަށް ފަހު، ރަނގަޅަށް ހޫނުވުމުން އޭގެތެރެއަށް ތައްޔާރުކުރި ބަޖިޔާތައް، ބައިބަޔަށް އަޅާ މަޑުމުށިކުލައަރަންދެން ތެލުލާށެވެ
ނޯޓް
ފިހުނު ބަޖިޔާ ހެދުމަށް އަވަން 180 ޑިގްރީ ހޫނުކުރުމަށްފަހު 15 މިނެޓު ވަންދެން ފިހެލެވިދާނެއެވެ.
ތަފާތު ވައްތަރުގެ ބަޖިޔާ ތައްޔާރުކޮށްލަން ބޭނުންނަމަ، މަހުގެ ބަދަލުގައި ކުކުޅު، ނޫނީ އެހެން މަހުގެބާވަތެއް ބޭނުންކުރެވިދާނެއެވެ
