އަލުވި ރިހަ
އަލުވި ރިހައަކީ ދިވެހިންގެ ތެރޭގައި މަޤުބޫލުރިހަ އެކެވެ. މިއީ ރޮއްޓާ އަދި ބަތާއި އެކުވެސް ކާލަން ވަރަތް މީރު ރިހައެކެވެ.
ތައްޔާރު ކުރުމަށް: 10 މިނެޓް މިނެޓް
ކެއްކުމަށް: 20 މިނެޓް މިނެޓް
ޖުމްލަ ވަގުތު: 30 މިނެޓް މިނެޓް
ތައްޔާރު ކުރެވޭނީ:
5 މީހުންނަށް
ބޭނުންވާ ތަކެތި
- 500 ގުރާމު އަލުވި (ކުދިކޮއް ކޮށާފަ)
- 1 މަސް ދަޅު (ނުވަތަ 1 ގަނޑު ވަޅޯ މަސް)
- 3 މޭޒުމަތީ ސަމްސާ ޓޮމާޓޯ ޕޭސްޓް
- 3 މޭޒުމަތީ ސަމްސާ ރިހަ ހަވާދު
- 1 ޖޯޑު ފިޔާ (ތުނިކޮށް ކޮށާފަ)
- ½ ޖޯޑު ހިކަނދި ފަތް
- 1 މޭޒުމަތީ ސަމްސާ ލޮނުމެދު (ގާނާފައި)
- 3 ރާނބާފަތް (½ އިންޗި ހުންނަ ވަރަށް ކުދިކޮށް ކޮށާފަ)
- ⅓ މޭޒުމަތީ ސަމްސާ ފޮނިތޮށި (ފުނޑާފަ / ޕައުޑަރު)
- 1 މޭޒުމަތީ ސަމްސާ އިނގުރު (ގާނާފައި)
- 5 ކާފޫރު ތޮޅި
- 1 މޭޒުމަތީ ސަމްސާ މިރުސް (ކުދިކޮއް ކޮށާފަ)
- 1 ޖޯޑު ބޯކިރު ކިރު (ކްރީމް)
- ½ ޖޯޑު ކާށި ކިރު
- 1 ޖޯޑު ފެން
- 2 މޭޒުމަތީ ސަމްސާ ކައްކާ ތެޔޮ
- ރަހަލާ ވަރަށް ލޮނު ކޮޅެއް
ހަދާނެގޮތް
- އަލުވިތައް ފެނުގައި ރަނގަޅަށް މަޑުކޮއްލާށެވެ. (7-10މިނެޓްވަންދެން)
- ކުޑަ ތެޔޮފޮދެއް ހޫނުކޮއްލާފަ، މަޑު ގިނީގައި (ފިޔާ،ލޮނުމެދު، އިނގުރު، މިރުސް، ކާފޫރުތޮޅި، ހިކަނދިފަތް އަދި ރާނބާފަތްކޮޅު) މީރުކޮއްލާށެވެ.
- ފިޔައިކޮޅު މީރުވުމުން، އޭގެ ތެރެއިން މޭޒުމަތީސަމްސާއެއްގެ ފިޔާކޮޅެއް ނަގާ، ބޯކިރު ޖޯޑަށް އަޅާލާފަ، ބަހައްޓާލާށެވެ.
- ތެލީގައި ބާކީ ހުރި ފިޔައިކޮޅުގެ ތެރެއަށް ޓޮމާޓޯ ޕޭސްޓް،ފޮނިތޮށި ޕައުޑާރ އަދި ހަވާދު ކޮޅު އަޅާލުމަށްފަހު އެއްކޮއްލާށެވެ.
- އޮލަ ވާވަރު ބަލަމުން، ފެން އަޅާލާށެވެ.
- ރަނގަޅަށް ހަލުވަމުން، ބޯކިރުކޮޅު އަޅާލާށެވެ. (ގަނޑުނުވާނޭ ވަރު ބަލައިގެން)
- އަލުވި ކޮޅާއި މަސްކޮޅު އަޅާލާށެވެ.
- މެދުގިނީގައި ކައްކާލާށެވެ. (ދޭތެރެ ދޭތެރެއިންހަލުވާލާންވާނެއެވެ.)
- ކެކެން ފެށުމުން ގިނި މަޑުކޮއްލާށެވެ.
- އެއަށްފަހު ފިޔާކޮޅުއަޅާފަހުރި ބޯކިރު ކޮޅު އަޅާލާފަ،މަޑުގިނީގައި ބަހައްޓާލާށެވެ. (3-2 މިނެޓު)
- އުނދުނުން ބާލާ، ކުޑަކޮށް ހިހޫ ވަންދެން ބަހައްޓާލާށެވެ.
